مرة رحنا مطعم لبناني+مصري(أبو شقرة السرايه) في جدة والمطعم من برة هالله هالله ومن جوا ينعم الله
هو صح كان حلو لكن مو قد كد ا المهم دخلنا وطلعنا فوق وجلسنا وما أحد جانا علشان الطلب وجلسنا كدا حوالي نصف ساعة واحنا جيعانين بقوة و أخويا جالس يلعب بالملح اللي فوق الطاولة قام لقي جرس وهو مو عارف انه دا جرس ورا لأبويا وسأله : يابابا ايش هدا اخذ ابويا منه الجرس وضغط على الزر مرة مرتين ثلاثة وقال شكله لعبة احد نسيها الاوبعد شوية يجي رجال ويقول: تفضلوا الطلب مو انتوا اللي دق الجرس قام بابا قال وهو معصب:ايوة ايوة نحن اللي دقينا الجرس جالسين عندكم من نص ساعة وما احد جانا
وقال الرجال وهو مكسووووووووووووووووووووووووووووووووووووووووووووووووووووووف:معليش والله ما نعرف أحد جانا الين ما يدق الجرس
وراح وغاب عننا تقريبا ساعة كاملة وجاب لنا الأكل ولمن انتهينا جلسنا بعد الانتهاء ربع ساعة ودق أبويا الجرس ولمن جا الرجال ياااااااسلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
أبويا لا تسألوا عنه لانه المرة دي كمان طرطععععععععععععععععععععععععععع وايش المشكلة في هذا المطعم ليش كلكم تتأخرون؟؟؟
المسكين انكسفففففففففففففف ودمعت عيونه وبدأت أمي تهدي أبوي واحنا معاها
المهم لمن دفع أبوي وخرج الناس كلهم واقفين بيطالعولنا قام أبويا انكسف وابتسم اما نحن ميتين من الكسف ومشينا ولمن ركبنا السيارة طرطع ابوي مرة ثانية وقال: اصحكم اذا سمعت من فمكم اسم هذا المطعم ياويلكم مني
واما أخويا مو فاضى بيتكشخ ويتشيك على باله نروح البحر ونحن في طريقنا للبيت بيسأل أخويا :يابابا فين رايحين؟؟
قالو أبويا: معليش أنا عارف انك بتروح البحر لكن نحن رايحين البيت وان شاء الله الأسبوع الجاي نروح البحر
واخويا:
